Ka lympung ïalehkai phutbol jong ka (L) Joybell Suiam Memorial Football League 2026 haka kyrdan 2nd Division bala pynïaid da ka Thadlaskieñ Sport Association kaba la long mynta ka sngi 27 tarik u Nailar, 2026 ha madan Wahiajer Multi Sports Complex Stadium.
Haba phai sha ka jingïakhun kaba nyngkong hapdeng ka Thadmusem SC pyrshah ïa ka Myngkrem United kila poi sha ka jingïakhaid khlem don kiba ïoh ban thep kol (0-0).
Haka jingïakhun kaba ar hapdeng ka Madur SC bad ka Lad Mukhla kine ki kynhun ruh kila poi sha ka jingïakhaid da mar shi kol (1-1) ïa ka kol naka Madur SC la thep da u Wanbait Phawa haka minit ba 52. Ïa ka kol na ka Lad Mukhla la thep da u Wadshwa Rymbai.
Katba haka jingïakhun kaba lai ka Tyllilang SC Moobakhon kala jop da 3-2 kol ïaka Mainroad SC Wahiajer, ïa ki kol na ka Tyllilang SC Moobakhon la thep da u Wadshwa Shylla haka minit ba 3, u Finely Rumut haka minit ba 21 bad u Tireles Rumut haka minit ba 54. Ïa ki kol na ka liang ka Mainroad SC Wahiajer la thep da u Heihok Dkhar haka minit ba 12 bad u Chilang Laloo haka minit ba 23.
Ka jingïakhun ha ka sngi ba bud (28.08.2026) haka por 10 baje mynstep ka Mukhla Sohshrieh pyrshah ïa ka Mainroad Nartiang, haka por 12 baje mynsngi ka Good Will SC Mupliang pyrshah ïaka Thadmynri SC, katba haka por 2 baje nohphai sngi United SC pyrshah ïaka Youth Sport Club Myrsiang.