Ka lympung ïalehkai phutbol jong ka (L) Joybell Suiam Memorial Football League 2026 haka kyrdan 2nd Division bala pynïaid da ka Thadlaskieñ Sport Association kaba la long mynta ka sngi 25 tarik u Nailar, 2026 ha madan Wahiajer Multi Sports Complex Stadium.
Haba phai sha ka jingïakhun kaba nyngkong ka Laru SC kala pynliem da 4-1 kol ïa ka Maya SC Wahiajer, ïa ki kol na ka Laru SC la thep da u Army Tamu haka minit ba 2 & 56, u Lumlang Mukhim haka minit ba 25 bad u Raplang Dkhar haka minit ba 39. Ïa ka shikol na ka Maya SC Wahiajer la thep da u Bunki Lyngdoh haka minit ba 21.
Ha ka jingïakhun kaba ar ka Shiparalok FC Umladang kala jop da 2-0 kol ïa ka Tympang SC Wahiajer, ïa kitei ki ar kol na ka Shiparalok FC Umladang la thep da u Shanbor Lawai haka minit ba 2 bad u Teilang Ryngkhlem haka minit ba 58.
La pyntip ka jingïakhun lashai ka sngi 26/08/2026 haka por 10 baje mynstep ka Niriang SC pyrshah ïa ka Unity SC Phlongingkhaw, ha ka por 12 baje noh phai sngi ka Tympang Club Iongshiwiat pyrshah ïaka Momer SC, katba ha ka por 2 baje nohphai sngi ka Hunlang FC Lumkynter SC pyrshah ïa ka Modop SC.