Ka lympung ïalehkai phutbol bala tip kum ka Thomas Nongtdu Memorial Trophy jong ka kyrdan 1st Division League 2026 bala pynïaid daka East Jaiñtia Hills District Football Association (EJHDFA) kala sdang mynta ka sngi 14 tarik mynta u bnai Nailur ha madan Artificial Diengshynrum, Khliehriat.
Ïa kane ka lympung la wan plie pyrda ïa ka da kiba ha ïing ha sem u (L) Thomas Nongtdu haka jingïalam ka Santa Mary Shylla kaba dei ka MLA jong ka 5-Sutnga Saipung Constituency, ha ryngkat ka jingïadonlang ka kong Violet Lyngdoh (MDC 2 Rymbai Constituency), ma Krison Langstang (MDC Jalaphet Bri-Sumer Constituency), Dr. Phervision Nongtdu, ma Hambertus Nongtdu (MDC Sutnga Nongkhlieh Constituency), ki Rangbah Shnong jong ka thaiñ East Jaiñtia, ki nongkitkam bad ki dkhots jong ka EJHDFA nalor kiwei de.
Haba phai sha ka jingïakhun kaba nyngkong mynta ka sngi ka Khliehriat East YWSC kala jop da shikol 1-0 ïaka Musniang SC, ïa katei ka kol la thep da u Kyntulang Nongwar haka minit ba 75.