Ka jingialehkai Badminton kaba la tip kum ka 2nd Open to All Veteran Badminton Tournament, 2026 ia kaba la pyniaid da ka West Jaintia District Badminton Association (WJDBA), ka la poi noh sha kaba kut ha kane ka sngi saitjaiñ jong 12 tarik mynta u bnai September, ha kaba u myntri ka tnat sports jong ka jylla u ma Wailadmi shylla u la wan ban pynhap pyrda ia kane ka lympung ialehkai Badintomn. Ia kane ka jingialehkai Badminton la pynlong ha Seinraij Indoor Hall, Tpep Pale Jowai, ka la sdang naduh ka 11 u bnai Nailur.
Ha kane ka jingiakhun, ha ka kyrdan Men’s Double 75+ la ioh ban rah da u Ready Sutnga bad u Ranjan Baragohain da kaba kila lah ban pynliem ia u Deva Lalung Bordoloi bad u Deepak Thapa. Ha ka kyrdan Men’s Double 85+ la jop da u Rimilan Passah bad u Dauru Laloo da kaba ki pynliem ia u Dr Peterson Lamare bad u Kyrmenshisha Shylla. Ha ka jingiakhun Men’s Double 95+ u Abhijit Bhuyan bad u Goldenstar Kharbuli ki la lah ban pynliem ia u Marbiangki Bareh bad u Rimilan Passah. Ha ka jingiakhun jong ka kyrdan Men’s Double 105+ pat u Bastab Neog bad u Bijoy Barma ki la lah ban pynliem ia u Abhijit Bhuyan bad u Godenstar Kharbuli. Katba ha ka Mixe Double pat u Goldenstar Kharbuli bad ka Pretty Singh ki la lah ban pynliem ia u Ram Najiar bad ka Dorothy Christie Challam.
Ia ki khusnam ha kane ka sngi la sam da u kongsan ma Wailadmiki Shylla ha ka jingiadonlang u ma D Pyrbot President WJDBA, ma R Passah General Secretary WJDBA, ma Patrick Lamare Chairman Tournament Committee, ma Sunday Tariang, ma S.K Lato bad kiwei de ki dkhot ka WJDBA ryngkat ki riew rangbah bad kiba la shah khot sngewbha sha kane ka lympung jingialehkai Badminton.
