Ka jingïalehkai Semi Final jong ka kyrdan 2nd Division bad ka 3rd Division League Stage 2026 bala pynïaid daka East Jaiñtia Hills District Football Association (EJHDFA) kaba la long mynta ka sngi 12 tarik u Nailur, 2026 ha madan Artificial Ground Diengshynrum, Khliehriat.
Haba phai sha ka jingïakhun Semi Final jong ka kyrdan 2nd Division ka Dkhiah West SCSO kala jop da 1-0 kol ïaka Khliehriat West FC, ïa katei ka shikol la thep da u Nevermind Kya haka minit ba 42.
Katba haka jingïakhun Semi Final jong ka kyrdan 3rd Division ka Cham Cham SCSC kala jop da 5-0 kol ïaka Moonongtdu SC, ïa kitei ki 5 kol naka Cham Cham SCSC la thep haduh lai kol marwei (hattrick) da u Raymon Phawa haka minit ba 10, 27 & 64 bad u Monmi Dkhar haka minit ba 72 & 80+1.
Lyngba kane ka jingjop jong ki mynta ka sngi ki lah ïoh rung sha ka Final jong ka lympung ïalehkai 2nd Division & 3rd Division.
