Ka jingïalehkai phutbol jong ka kyrdan 2nd Division 2026 League Stage bala pynïaid daka East Jaiñtia Hills District Football Association (EJHDFA) kaba la long mynta ka sngi 24 tarik u Nailar, 2026 ha madan Artificial Ground Diengshynrum, Khliehriat.
Haba phai sha ka jingïakhun kaba nyngkong ka Ryntihlang SC Brishyrnot kala jop da 2-1 kol ïa ka Rangad SCSC, ïa ki kol na ka Ryntihlang SC Brishyrnot la thep da u Hamedabiang Bamon haka minit ba 33 bad u Yomioo Syih haka minit ba 35. Ïa ka shikol naka Rangad SCSC la thep da u Sunday Tariang haka minit ba 40+1.
Haka jingïakhun kaba ar ka hapdeng ka Umlyngsha YSSC bad ka Khliehriat West FC kila poi sha ka jingïakhaid da mar ar kol (2-2), ïa ki kol na ka Umlyngsha YSSC la thep da u One Enjoy Dkhar haka minit ba 40+2 bad u Kamni Rupsi haka minit ba 43. Ïa ki kol na ka Khliehriat West FC la thep da u Owenson Malang haka minit ba 13 bad u Niki o Nongtdu haka minit ba 48.
Katba haka jingïakhun kaba lai ruh ki ar kynhun hapdeng ka Iapmala United FC bad ka SWO Moosianglamare Old SC kila ïakhaid da mar lai kol (3-3), ïa ki kol na ka Iapmala United FC la thep da u Arly Lamo haka minit ba 9, u Iaslang Lamo haka minit ba 46 bad u Shining Rymbai haka minit ba 74. Ïa ki kol na ka SWO Moosianglamare Old SC la thep da u Evening Lapasam haka minit ba 22, u Premio Muksor haka minit ba 38 bad u Pyniar Pusein haka minit ba 55.