Ka lympung ïalehkai phutbol jong ka (L) Joybell Suiam Memorial Football League 2026 haka kyrdan 2nd Division bala pynïaid da ka Thadlaskeiñ Sport Association kaba la long mynta ka sngi 24 tarik u Nailar, 2026 ha madan Wahiajer Multi Sports Complex Stadium.
Haba phai sha ka jingïakhun kaba nyngkong ka Myntoilang FC Bamkamar kala jop da 1-0 kol ïaka Hunlang FC Rakabah, ïa katei ka shikol na ka Myntoilang FC Bamkamar la thep da u Isaiah Suting haka minit ba 16.
Ha ka jingïakhun kaba ar ka Lummuriap SC kala jop da 4-2 kol ïa ka Iawpynsin Wahiajer, ïa ki kol na ka Lummuriap SC la thep da u Alanroy Nongrum haka minit ba 1, u Nangtei Synrem hka minit ba 30, u Chibor Ryngkhlem haka minit ba 56 & 60. Ïa ki kol na ka Iawpynsin Wahiajer la thep da u Hoshen Lyngdoh haka minit ba 20 bad u Hopingstone S Manner haka minit ba 36.
Katba ha ka jingïakhun kaba lai hapdeng ka Modymmai SC pyrshah ïa ka Maitchaphrang FC kila poi sha ka jingïakhaid da mar shikol (1-1), ïa ka kol na ka Modymmai SC la thep da u John Slong haka minit ba 38. Katba ïa ka kol na ka Maitchaphrang FC la thep da u Marbait Nongpluh haka minit ba 46.
La pyntip ka jingïakhun lashai ka sngi 25/08/2026 haka por 10 baje mynstep ka Maya SC Wahiajer pyrshah ïaka Laru SC, haka por 12 baje shiteng sngi ka Tympang FC Wahiajer pyrshah ïaka Shiparalok FC Umladang. Ha ka por 2 baje noh phai sngi ka RC Dreaming Mupliang pyrshah ïaka Mukhla Nongrim.