Ka jingïalehkai phutbol Round-16 jong ka kyrdan 3rd Division 2026 League Stage bala pynïaid daka East Jaiñtia Hills District Football Association (EJHDFA) kaba la long mynta ka sngi 26 tarik u Nailar, 2026 ha madan Artificial Ground Diengshynrum, Khliehriat.
Haba phai sha ka jingïakhun kaba nyngkong hapdeng ka Cham Cham SCSC bad ka Youngstar SSC Huroi kila poi sha ka jingïakhaid khlem don kiba thep kol haduh ba kut jong ka por ïakhun, kumta ki bor pynïaid kila hap ban pynïakhun da ka jingïashut Tie Breaker ha kaba ka Cham Cham SCSC kala jop da 4-3 kol ïa ka Youngstar SSC.
Katba ha ka jingïakhun kaba ar ruh hadien ka jingïakhaid haduh ba kut ka por ïakhun, na ka liang ka Borghat SCSC kala jop da 4-1 kol ïa ka Umkiang Maya Club haka jingïashut Tie Breaker.
Da ka jingjop kine ki ar kynhun mynta ka sngi kila ïoh ban rung sha ka Quarter Final jong kane ka lympung.
