Ka KSU Shillong Mihngi Circle ha ka miet jong ka 30 tarik u Jylliew 2026 ka la ioh ka jingtip ba don ki katto katne ki briew ki ba long artatien kiba thiah ha surok ha 4th Fourlong ha kaba ka seng ka la leit ban beh krad iaki. Ka seng ha ka jingjurip bad beh ia kine ki bar jylla ka lap ha ka jingkylli bniah kine ki bar jylla ki iathuh ba ki wan shane ka jylla ban bylla hynrei haba pan iaki kot ki sla ki jong ki ba ki dei ne m ki nong India , kim shym la lah satia bad pynshisha bad wat ka epic ruh kim don, kane ka la pynartaien ia ka seng ba ioh lehse kine ki briew ki wan ruh da ki jingthmu ba sha lyndet namar kim biang satia ki kot ki sla ba biang.
Ka seng mar mar ki la aiti ia kine ki briew sha ki Pulit ban leh iakaba donkam bad la maham ruh ia ki briew ki ba thmu ban long dalal ia kum kine ki briew. Ka seng kan iai bteng ia kum kine ki jingkhyra ha ki sngi ban wan ha kylleng ka bri u Hynniewtrep.
Ka jingiohrung laitlan ki mynder ka dei na ka jingbym don ki aiñ kiba khlaiñ ban teh lakam ia ka jingrung kyrthlep ki mynder.
Ka KSU ka ong ba ka ILP kaba dei kawei na ki aiñ kaba pyrkhing ia ka rung ka mih hynrei ka sorkar kam i shim khia. Ka MRRSA kaba la long aiñ naduh 2016 hynrei ngim pat iohi ia ka jingtreikam pura ka ba sngewsih ka long ba wat ia ki khyrdop (Facilitation centre) kaba dei ka bynta jong ka MRSSA 2016 ki thmu pynkylla pynban sha ka food court bad mano ban shim ka jingkitkhlieh haba wat ki bor jong ka aiñ ruh kim lah ban pyntikna ba la phah biang ia ki mynder ba ioh bat da ka seng sha ki jaka ba ki wan.
