Ka lympung ïalehkai phutbol ki khynnah skul kaba la tip kum ka ‘District Level Inter School Subroto Mukherjee Cup Football Tournament 2026’ kala jam noh sha ka jingïakhun phainal lashai ka sngi thohdieng 3 tarik u Naitung, 2026 ha Wahiajer Multi Sports Complex bala pynïaid da ka ophis u District Sports Officer, West Jaiñtia Hills District Jowai.
Haba phai sha ki jingïakhuh Semi Final mynta ka sngi 2 tarik haka kyrdan Under-15 (Boys) ka North Liberty H/S School kala jop da 7-0 kol ïa ka Mihmyntdu R.C Eve School. Katba haka kyrdan Under-17 (Girls) ka North Liberty H/S School kala jop da 8-0 kol ïa ka Govt. Girls H/S School. Ka H.K Singh Memorial Secondary School kala jop da 4-0 kol ïa ka Jaiñtia H/S Secondary School.
Ka jingïakhun Final lashai ka sngi Thohdieng kan long kumne haka kyrdan Under-17 (Girls) ka North Liberty H/S School Jowai pyrshah ïa ka H.K Singh Memorial Secondary School haka por 10 baje mynstep. Ha ka Under-15 (Boys) ka Jowai Govt. Boys’ Higher Secondary School kan ïakhun pyrshah ïaka North Liberty H/S School Jowai haka por 12 baje shiteng sngi. Katba ha ka kyrdan Under-17 (Boys) ka Amwi Higher Secondary School, Thangbuli ka ïakhun pyrshah ïaka Saw Lyngdoh Higher Secondary School, Mookaiaw ha ka por 2 baje nohphai sngi.
Ha kane ka sngi pynhap pyrda ïa ka ‘District Level Inter School Subroto Mukherjee Cup Football Tournament 2026’ an ka ling u Kyntu Shullai, MCS, Assistant Commissioner ka West Jaiñtia Hills District un long kum u kongsan.