U Myntri ka sorkar jylla ba dei peit ïa ka tnad pule puthi bad u ba dei ruh MLA ka thaiñ Ma Lahkmen Rymbui ula noh synniang Shilak tyngka sha ka Amwi Higher Secondary School, Thangbuli ka lahduh haka lympung ïalehkai Under-17 jong ka District Level Inter School Subroto Mukherjee Cup Football Tournament 2026 ba la pynïaid da ka ophis District Sports Officer, West Jaintia Hills.
Ka Amwi Higher Secondary School, Thangbuli ka la long ka lahduh hadien ba kala pynliem ïa ka Sawlyngdoh Higher Secondary School, Mowkaiaw da 1-0 kol ha ka jingïakhun phainal kaba la long ha ka 3 tarik Naitung.
Ïa kane ka song pisa la aiti ha ka jingïalang lyngkot kaba la long ha phyllaw ka skul ha ka jingdonlang ki nonghikai, ki nongïalam bad dkhot nongkitkam shnong mynta ka 4 tarik Naitung, 2026.
Ha ka jingkren u ma Lahkmen Rymbui ula pynshlur ïaki nongïalehkai ban don ka thong ban ïoh ïa ka jingjop ym tang ha ki lympung ialehkai hynrei ha kino kino ki jingialeh haka jingim ka jong ki.
U la ong kane ka jingnoh synniang jong u kan long kum ka dak ka jingithuh ïa u soh ka jingjop bad ruh ban kyrshan ïa ka jinglut jingsep jong ka skul na ka bynta ban leit ïashim bynta ha ka State Level Football Tournament ka ban sa long mynta u bnai ha nongbah Shillong.