Ka ophis jong ka Meghalaya Society for Social Audit and Transparency (MSSAT) kan sdang ia ka Social Audit na ka bynta u snem mang tyngka 2026-27, naduh ka 8 tarik u Nailar 2025. Kumba ju long man la u snem, ïa ka Social Audit la pynlong ban pynthikna ïa ka jingkhuid, ka jingkitkhlieh bad ka jingtreikam kaba seisoh ha ka jingpyntreikam ïa ki skhim jingïarap bapher bapher jong ka Sorkar ha kylleng ka Jylla.
Ka rukom treikam jong ka Social Audit ka sdang da ka jingïalang bad ki tnad Sorkar, ka jingpynkhreh ïa ka Social Audit Calendar, bad ka iaid sha khmat lyngba ka jingit bniah ha ki shnong ki thaw, ka jingjurip ïing sha ïing, ka jingleit pynshisha sha ki jaka treikam, ka jingïakren bad ki paidbah lyngba ki Focus Group Discussions, ka jingpynlong ia ka Social Audit Gram Sabha, bad kan kut ha ki Social Audit Public Hearing ha ki Block Ophis. Ha kine ki Public Hearing, ïa ki jinglap bad ki jingshem kiba la paw ha ka Social Audit yn aiti sha ki ophisar ba dei peit, khnang ba kin shim ïa ki sienjam kiba donkam. Hadien kata, ki tnad ba pyntreikam kin phah ïa ki Action Taken Reports (ATR) sha ophis jong ka MSSAT. Nangta, ka MSSAT kan aiti ïa ka Annual Social Audit Report sha ka Sorkar.
Kine ki skhim harum yn kynthup hapoh ka Social Audit na ka bynta u snem mang tyngka 2026-27 (First Round):
1. Mahatma Gandhi National Rural Employment Guarantee Act (MGNREGA) 2. National Social Assistance Programme (NSAP)
3. Sarva Shiksha Scheme (SSS)
4. Public Distribution Scheme (PDS)
5. Poshan Abhiyan Shakti Nirman (PM Poshan)
6. Pradhan Mantri Kisan Sinchayee Yojana (PMKSY) WDC 2.0
7. Revamped Distribution Sector Scheme (RDSS)
8. Special Livestock Production Programme (Piggery and Poultry)
9. Blue Revolution
10.Jal Jeevan Mission (JJM)
11.Mission Organic Value Chain Development for North Eastern Region (MOVCD-NER) 12.Rainfed Area Development (RAD)
Ka Social Audit ka dei ka lad kaba kongsan ban pynthikna ba ki skhim jong ka Sorkar ba kin poi sha kiba dei hok ban ïoh jingmyntoi bad ba ïa ki pisa paidbah ba la mang na ka bynta kine ki skhim yn pyndonkam hok. Da kaba kyntiew ia ka jingshai (transparency) bad ka jingkitkhlieh (accountability), ka Social Audit ka pyniasoh lang ia ki shnong ki thaw bad ki nongbakitkhlieh (stakeholders) ha kaba khmih-ïit bad bishar ia kine ki sienjam, khnang ban tei ia ka jingshaniah bad ka jinglong kaba hok. Ym tang ba ka kyrshan ïa ka rukom treikam jong ka Social Audit, hynrei ka Meghalaya Society for Social Audit and Transparency (MSSAT) ka noh synniang ruh sha ka jingjop jong ka jingpyntreikam ïa ki skhim bapher bapher khnang ba kin lah ban poi sha ka thong jong ki bad ban ai jingïarap kaba don jingmut sha ki nongiohkynti baroh.
Ban pynthikna ïa ka jingjop jong ka Social Audit, ka MSSAT ka kyrpad ïa ka jingïashim bynta kaba shitrhem jong baroh kiba don bynta, kynthup ïa ki nongïoh jingmyntoi, ki paidbah bad ki tnad ba pyntreikam ïa ki skhim.
Na ka bynta ki jingtip kiba kham bniah bad ki jingpynbna shaphang ka Social Audit, sngewbha leit jingïuhkjat ïa ka website mssat.nic.in