U Information Secretary ka JCOMSWA (Jaintia Coal Owners, Miners, Suppliers & Workers Association) u bah Overcome Dkhar mynta ka sngi ka 7 tarik u bnai naitung 2026 u la pynshai sha ki paidbah halor ka jingtreikam jong ka seng ba naduh ka por jong ka jingshah thngan u President jong ka seng bad haduh mynta ka seng kam pat shongthait halor ka kam tih dewiong ban pynioh ia ka hok jong u paidbah.
Ka seng ka lah dep ruh ban shong jingialang bad ki heh sorkar na ka bynta ki skhim dewiong hynrei haduh mynta wat ia kane ruh kam poi shano shano ruh, ha ka 3 tarik mynta u bnai ka seng ka la shah khot biang ha ka jingialang hynrei ha kane ka kynti ruh ka jingiakren kam poi shano shano ruh.
U bah Marshall S.B Biam u la iasaid bad ki heh sorkar ban ioh ia ka lad ban plie noh ia u dewiong khamtam eh ia ki rit ki ria bad ym tang na ka bynta kita ki heh bad kiba don ka bor, ka seng ka la maham ba kan sa pynlong da ka jingiakhih kaba heh lada ka sorkar kam sngap ia ka jingdawa ka jong ki.
La 12 tylli ki snem bad haduh mynta ia u dewiong ym pat lah ban plie, ka seng ka la dawa ba ia u dewiong ym dei ban plie tang ia ki heh saipan, ka seng ka la kyrpad ia ki paidbah ba kin ym duh jingkyrmen bad ka JCOMSWA ka la ong ruh ba kan ym pyndem hano hano ruh katba ym pat plie ia u dewiong.