U Myntri Rangbah ka Jylla U Conrad K Sangma ha ka 24 tarik Nailar haba kren sha ki lad pathai khubor hadien ba la Wai ka Dorbar u la ong ba ka Sorkar ka la phah shithi sha ka Khasi Student Union KSU na ka bynta ban wan iakren bad ka Sorkar halor ka jingdawa ka KSU ia San tylli ki mat.
U Myntri Rangbah u la pyntip ba ka Sorkar ka ngeit ba kan sa ioh ia ka jubab na ka KSU ban iakren ia San tylli ki mat jingdawa ba ka KSU ka dawa na ka Sorkar ban pyntreikam.
Halor ka jingdawa ban pyllait noh ia ki nongialam KSU kiba lah Shah kem u Conrad u la ong ba ka aiñ kan leh ia kaba donkam bad kan iaid beit shakhmat katkum ki kyndon jong ka aiñ la ong u Myntri Rangbah.
Halor ka jingong u General Secretary ka KSU ba Kim dei ba leh ki dkhot ka KSU halor ka jingjia ha ka 19 tarik Nailar 2026 ha nongbah Shillong bad U Myntri Rangbah u la ong ba ka Sorkar ka leh katkum ka sakhi ba ioh lum bad u la ong ruh ka aiñ kan leh ia kaba donkam halor ka jingjia ha ka 19 tarik Nailar 2026.