Ka Ri Bhoi Area Welfare Association ryngkat ka jingiatrei lang bad ka Blood Donation Centre, Civil Hospital, Nongpoh ka la pynlong ia ka Voluntary Blood Donation cum Awareness Program ha ka Dorbar Hall jong ka shnong Umsning.
Ia kane ka program la kyrshan da ka Meghalaya Police Academy, Umran bad ka 6th Battalion Meghalaya Police, Umran.
Ha kane ka program palat 30 ngut ki la wan shakhmat ban ai snam na ka liang jong ki riew paidbah bad ki trainees ka Meghalaya Police Academy bad ka 6th Battalion.
Ki nongkren kiba kynthup ia I Kong Balakyntiew Umbah, President ka RAWA, I Dr. Tariang, In-charge Blood Donation Centre ki la kyntu ia ki paidbah ba kin wan shakhmat ban ai snam namar kane kan iarap ia kito ki briew kiba donkam snam ha ki hospital.
Ki nongpynlong jong kane ka program ki la pynbna ruh ba kum kane ka Blood Donation cum Awareness Program kin iai pynlong barabor bad ki Blood Banks bapher bapher.