Mynta ka janmiet na ka liang jong u Chief Minister ka jylla u Conrad K Sangma, ula ai ka khubor ba bha sha baroh kito ki riew ieit phutbol kynthup ia ki khynnah skul bad ki samla pule college, da kaba ula pynbna ban ai shuthi shi sngi kata lashai ka Sngi Nyngkong (Monday), na ka bynta baroh ki skul bad ki jaka pule hapoh ka jylla.
U Chief Minister u la pynpaw ba ka jylla Meghalaya ka long ka jylla kaba ieit bha ia ka phutbol, kumta ha ka jingiadei bad ka Final jong kane ka FIFA World Cup 2026 hapdeng Spain bad ka Argentina, na ka liang u CM u la ailad ia ki riew ieit phutbol, naduh ki khynnah skul, ki samla pule ha ki college bad ha kiwei kiwei ki jaka pule ba kin ioh ban iashim bynta ban peitkai da kaba hun mynsiem, te u la pyntip ba la shimrai ban ai noh da ka shuti ia baroh ki jaka pule hapoh ka jylla lashai ka sngi.
U CM ula pynpaw ruh ba ka jingbuh ia ki CM Fan Park (Jaka peit World Cup 2026 lyngba ki screen heh) ha kylleng ki bynta jong ka jylla Meghalaya, ka sorkar ka la ioh shibun ki jingiaroh bad ki jingai jingmut kiba biang, ha ka jingiadei bad ka jingkyntiew shaphrang ia ki kam sport hapoh ka jylla.
Na ka liang u CM Conrad K Sangma, u la ai khublei World Cup Final ia baroh ki nongshong shnong ka jylla.