Ka jingialehkai Football League ka EJHDFA jong ka samoi ialehkai mynta u snem 2026 kan sdang noh naduh ka 27/07/2026, ia kaba yn sa pynlong ha madan ialehkai jong ka East Jaintia Hills District Sports Association (EJHDSA) ba don ha shnong Deinchynrum, East Jaintia Hills District.
Ia ka League yn sdang da ka 3rd Division kaba don haduh 45 tylli ki Affilliated Club ba wan iashimbynta ha kane ka League.
La phiah ia kine ki team ha ki 15 ki pool ki ban sa ialehkai ar sein kawei ka club ban iaknieh rung sha ka Round 16 kawei kawei na ki 15 tylli ki pool bad sa kawei ban pyndap ia ka jaka ba 16 yn shim da ka Best 2nd team na ki 15 tylli ki pool.
Ia ka EJHDFA League yn pyniaid katkum ka aiñ thymmai ba la pyntreikam da ka FIFA.
Kane ka long katkum ka kyrwoh khubor ba la phah na u General Secretary, EJHDFA ma James Sutnga.
(Kawei na ki madan ialehkai Footbal ha East Jaintia Hills District, kaba don ha shnong Deinchynrum kaba dei peit da ka EJHDSA)
