Mynta ka sngi ka 27 tarik u Naitung 2026, ka East Jaiñtia Hills District Football Association (EJHDFA) ka la sdang ïa kalympung jong ka jingialehkai kaba la tip kum ka 3rd Division 2026 League Stage.
Haba kren sha ki lad pathai khubor ha ka sngi nyngkong jong kane ka jingialehkai, u General Secretary ka Association u bah James Sutnga u la iathuh ba ia kane ka seng la seng ha u snem 1984 bad ka la trei shitom naduh katei ka por. Mynta u snem ki don 45 tylli ki team kiba la rung sha ka 3rd Division; la phiah ia ki ha ki 15 tylli ki kynhun. Saw tylli ki team kin poi sha ka Semi Final bad kin kiew sha ka 2nd Division lashem snem. Saw tylli ki kynhun kiba duna tam ki point kin shah pynsangeh ban ïashim bynta na ka bynta shisnem.
Ka seng ka pynlong ia ki jingialehkai naduh ka 3rd Division haduh ka 1st Division. Ka jingïalehkai kaba heh tam jong ka, ka dei ka Super Division, kaba la kyrshan da u MLA ka thaiñ u ma Kyrmen Shylla. U ma ma Kyrmen u la noh synniang 3 lak shisnem sha ka Super Division palat san snem; Ka snem 2026 ka dei ka snem kaba hynriew jong ka jingkyrshan jong u. Ka jingiarap jong u ka iarap ia ka seng bad ki nongtrei jong ka ban pyniaid shaphrang ia ki jingialehkai.
Kane ka lympung ïalehkai jong ka 3rd Division kan long shibnai shiteng, bud sa ka 2nd Division. Ka EJHDFA League ka la sdang mynta u bnai bad la buh thong ba baroh ki jingialehkai yn pyndep shwa ka Khristmas jong u bnai Nohprah mynta ka snem.
Ka kalendar jong ka EJHDFA ka kynthup ruh ïa ki jingïalehkai jong ki samla, ka jingïalehkai jong ki kynthei, bad ka jingïalehkai jong ki khunlung, kiba la pynlong man la u snem. Ka baby league ka ailad ia ki khynnah ban shah hikai kloi khnang ba kin lah ban kiew sha ki nongialehkai kiba la kham rangbah hapoh ka rukom pyniaid jong ka EJHDFA.
Ha kine ki saw ne san snem bun ki nongialehkai na ka District ki la mih bad ki la leit sha ki klob kiba kham heh ha nongbah Shillong. Ka Nongkseh Sports Club, ka nongjop jong ka MSL 2025–26, ka la soi ïa u rangïalehkai ba don sap ka District u Skillfull Tariang. Ka EJHDFA ka sngew sarong ban iohi ba ki nongialehkai trai ri ki kiew sha ki kyrdan kiba kham shalor. Ka seng ka la trei shitom ban poi sha ka kyrdan jong ki seng ïalehkai phutbol ka nongbah Shillong, kiba pynlong bun tylli ki lympung ïalehkai ban kyntiew ïa kane ka jingïalehkai phutbol.
