Ka jingïalehkai phubol jong ka kyrdan 3rd Division 2026 League Stage bala pynïaid da ka East Jaiñtia Hills District Football Association (EJHDFA) kaba la long mynta ka sngi 28 tarik u Naitung, 2026 ha madan Artificial Ground Diengshynrum, Khliehriat kala poi sha ka sngi ba ar.
Haba phai sha ka jingïakhun kaba nyngkong hapdeng ka Wapung SSWO bad ka Borghat SCSC kila poi sha ka jingïakhaid khlem don kiba thep kol 0-0.
Ha ka jingïakhun kaba ar hapdeng ka Evergreen SC Ladwahwapung bad ka Pala SC kine ruh kila ïakhaid da mar 2-2 kol, ïa ki kol na ka Evergreen SC Ladwahwapung la thep da u Satisformi Lamo haka minit ba 3 bad u Jomiki Dkhar haka minit ba 27. Katba ki kol na ka Pala SC la thep da u Ebiangmi Pasleiñ haka minit ba 15 bad u Famous Pasleiñ haka minit ba 22.
Ka jingïakhun kaba lai naka liang ka Sein Khynroo Umsatai kala jop da 5-0 kol ïa ka Umrasong SCC, ïa kitei ki san kol la thep da u Kephas Rymbai haka minit ba 13 & 31, u Dameshwa Pyrtuh haka minit ba 35 bad u Jewell Sympli haka minit ba 52 & 64.
