Ka KSU EJHDU mynta ka sngi ka 28/07/2026, ka la ioh ban ia kynduh ia u DC bad SP jong ka East Jaiñtia Hills District. Ha kane ka jingiakynduh ka seng ka la ai da ka jingthoh ban pynpaw ka jingsngewkhia halor ka kynrum kynram ha ki public hearing. Ka seng ka la ong ba ka jingbuh ne pakhang lynti da ki maw heh bad ki dieng ne khlong nala ba heh ha lynti ban khang lynti ia ki nongwan shim bynta ha ka hearing ka dei ka lynti bymdei bad kaba long beaiñ.
Ka seng ka pynrem jur ia kum kine ki jingleh, la ban ong ba lada ka long kumne ka pyni ba ka dei ka hearing jong ki riew shimet ym dei shuh ia ki riew paidbah – public hearing.
Ha ka 31/07/2026 kaba dei ka sngi thohdieng kan don ka public hearing halor ka juh ka project propose Limestone mining jong ka Shree Cement ha Lum Syrman, Shnongrim Elaka Nongkhlieh. Ki bor jong ka District Administration bad bor Pulit kim dei ban ailad ba kine kin dang iai jia kumjuh. Ka seng ka maham ba lada jia biang kum ha ka 1st hearing jong ka setup plant bad myn ha kane ka last hearing jong ka Limestone mining project, ka seng kan shim da ka lynti ba tyngeh.
Ha kawei pat ka bynta la iohi ba ha ka Notification ba la publish da ka MSPCB la lap ba ym shem la thoh wat tang ka reference No. bad ka por long hearing ruh ka dei dangstep por 8 baje mynstep. Kaei kane ka jingleh kaba ym sngew iahap, balei ym pynlong kum ka por trei office (Office Work). La don ka jingsuba ba ka don kaei re kaei sha lyndet haba la iohi shynna kum kane ka jingpynbna. Ka seng kan iai don ryngkat bad ki paidbah hima Elaka sutnga bad paidbah Shnongrim bad kumjuh ki nongshong shnong ka Elaka Nongkhlieh pynpaw ki nongialam ka KSU EJHDU.