Ka jingïalehkai phubol jong ka kyrdan 3rd Division 2026 League Stage bala pynïaid da ka East Jaiñtia Hills District Football Association (EJHDFA) ka la long mynta ka sngi 29 tarik u Naitung, 2026 ha madan Artificial Ground Diengshynrum, Khliehriat kala nangjam shaphrang.
Haba phai sha ka jingïakhun kaba nyngkong ka Tuber Shohshrieh SCSC kala jop da 3-2 kol ïa ka SWC Deinsatlang. Ïa ki kol na ka Tuber Shohshrieh SCSC la thep da u Franklin Muruh haka minit ba 21 bad u Shanbok Muruh haka minit ba 45 & 77.
Ïa ki ar kol na ka SWC Deinsatlang la thep da u Pynshe Da o Phniaw haka minit ba 58 bad u Shijur Swer haka minit ba 59.
Haka jingïakhun kaba ar ka Tongseng SYSC kala jop da 2-0 kol ïa ka Tpepswer SSWO, ïa kitei ki kol na ka Tongseng SYSC la thep da u Banker Suiam haka minit ba 76 bad u Fining Lyngdoh haka minit ba 79.
Katba ha ka jingïakhun kaba lai ka Umtyra YWSC kala jop da shikol 1-0 ïa ka Dkhiah East SC, ïa katei ka shikol la thep da u Atiar Lapasam haka minit ba 27.
