Ka jingïalehkai phubol jong ka kyrdan 3rd Division 2026 League Stage bala pynïaid daka East Jaiñtia Hills District Football Association (EJHDFA) kaba la long mynta ka sngi 30 tarik u Naitung, 2026 ha madan Artificial Ground Diengshynrum, Khliehriat.
Haba phai sha ka jingïakhun kaba nyngkong ka Rymbai Pohskur SC kala jop da 3-1 kol ïaka Sonapyrdi FSC, ïa ki kol na ka Rymbai Pohskur SC la thep da u Sanhame Bareh lyngba ka Penalty haka minit ba 34 & 75 bad u Shanki Dkhar haka minit ba 79. Ïa ka shikol na ka Sonapyrdi FSC la thep da u Affarming Tlang haka minit kaba 45 (Penalty)
Haka jingïakhun kaba ar ka Suchen Rim SCSC kala jop da shikol 1-0 ïa ka Mookhep SCSC, ïa katei ka shikol la thep da u Wanmiki Suchen haka minit kaba 35. Katba haka jingïakhun kaba lai hapdeng ka Shiborlang SC Pynthorsale bad ka Umlong SSCC kila poi sha ka jingïakhaid khlem don kiba ïoh ban thep kol (0-0).
