Ka Rotary Club Jowai (RCJ), ka la pynlong ia ka jingpynthymmai ia ki nongkitkam ne ki dkhot jong ka na ka bynta u snem 2026-27. Ia jingialang la pynlong ha Borbon Hotel, Loomsoo Iung New-Hills Jowai, ha ka janmiet jong ka sngi Balang 29.07.2026. Ia kane ka jingialang pynthymmai nongkitkam ka RC-Jowai la pyniaid da u President barim Rtn. R. Nongtdu. Ha kaba u kongsan ha kane ka sngi u dei u Rtn Dr. Mirnal Borthakur, MS, Assistant Governor RID, ha ka jingdonlang ryngkat ka lok jong u lem bad kiwei de kiba la shah khot sngewbha sha kane ka jingpynthymmai nongkitkam ka RC-Jowai.
U Dr. Borthakur haba ai jingkren ha kane ka prokram, u la ong ba ka Rotary Club ka dei kawei na ki Club ba la ithuh ha baroh lang ka pyrthei. Na ka liang jong u Dr. Borthakur u la ai ka jingiaroh ia ka RC Jowai ha kiba bun ki liang, u la ong ba bun ki kam ba ka Rotary Club ka trei na ka bynta ka bha ka miat ka imlang sahlang. U la ong ruh kumba long hi ka Rotary Club ka dei ka wei na ki seng kaba ju trei ia ki kam ba bha na ka bynta ka jingmyntoi jong ka imlang ka sahlang.
Na ka liang u Dr. Borthakur u la kitbok kirwiang ruh ia kine ki nongkitkam ba thymmai ka Rotary Club Jowai, ba kin nangtrei bha bad pyniar shuh shuh ia ka rukom trei bad kham pynbha shuh shuh ban ia kine ki snem ba la leit.
Ha kane ka sngi la jied President ia u Rtn S.K Lato, President Elect Rtn E.S Gatphoh, Vice President Rtn Andrew Awhai Shullai, Secretary Rtn R.E Laloo, Join Secretary Dawan Biam, Sargent At Arm Rtn Montri Pasah, Club Administration Chair DF Majaw, membership Chair Rtn JM Pohsngap lem bad kiwei de ki nongkitkam ka Rotary Club Jowai.
