Ka Meghalaya Board of School Education (MBOSE) ka la pynlong artylli ki shlem hikai halor ka Piloting of the Holistic Progress Card (HPC) ha ka shlem treikam jong ka ha Tura ha ka 28 tarik bad mynta ka sngi 30 tarik ha nongbah Shillong. La maitphang ia kane ka shlem hikai da ka Tnattreikam Ka Koit Ka Khiah jong ka Sorkar Kmie ba tip kum ka PARAKH (Performance Assessment, Review and Analysis of Knowledge for Holistic Development) kata ka mut ba yn pynkhreh na ka bynta ban pyntreikam ia ka rukom tynjuh ia ka jingtbit ka ban ryngkat katkum ka Kpaittreikam Pule Dangle jong ka Ri India lane ka National Education Policy (NEP) 2020
La pyniaid ia kane ka shlem hikai da u Bah M. Marbaniang, Director, MBOSE Regional Office, Shillong, bad ka jingkren pdiang da u Bah D D Sangma, Executive Shongknor, MBOSE. Ka jingkren ba plie phang bad ka ba batai sani shaphang kane ka bynta la ioh na ka Kong Dr. E. J. E. Shongwan, Chief Academic Officer, MBOSE, ka ba la batai bniah naduh ka shruh treikam bad ka bynta ban pynkylla ia ka rtukom tynjuh ia ka jingtbit jong ki nonghikai bad ki khynnah skul.
Ha ka por ba pynidak da ki sker jynthoh da ka kor la iathuh ban ngam jylliew ka jingtip shaphang ka NEP 2020da ka ba kynriah na ka rukom ka ba ju long ban lum jingtip bad ka ba pynlong da ka jynthoh tynjuh jingtbit ne examination sha ka ba jingnang jingtbit da ka ba thew ia ka jingpnah ka rukom trei bad ka ba pynshongdor ia kata. Kane ka rukom thymmai ka kdew bad thew ia kita ki ba dei ban shah hikai ba kin pynikam ia la ka jingtbit bad ym da ka ba kynmaw lyndet ia ka ba shah hikai ha ka por ba shong ha shlem tynjuh jingtbit.
Ka rukom pynidak ka pynshai shynna ia ka nongrim naduh tyllong ba iadei ia ka jintbit hikai ba janai, kynthup ia ka ba long kynrad halor ki jingtip lyngba ki por, ha ka ba ki khynnah skul ki kiew irat tang lada ki lah ban pynikam ia la ka jingtbit ban leh ne trei ia ka kam. Kumjuh ka ba shah hikai shai ia ka thong ka ban batai naduh sdang, bad ka ba pynikam ban pule lyngba ki kam ba trei bad ka ba ia kynduh ha ka jingim, ba ym dei ban shu shaniah tang ha ka jingtynjuh ba kynmaw lyndet.
Ka jingpyntreikam ia kane ka kam katkum ka NEP 2020, ka ban jur ha ka ba tyngkhuh marmet, ka ba pule shibyllien ki mat jingtip, ka ba kyntiew ia ka ktien kmie bad ki ktien shnong bad ka ba pynkiew irat ia ki ba angmud ban pule na ka bynta ban lum jingtip.
Ki ba shim bynta ha kane ka shlem hikai khamtam ki nonghikai skul kin long ki ba pynkhreh kum ka atiart ban kyntiew ia ka jingtip jong ki khynnah bad samla da ka ba ki trei hi da ka kam bad pyrkhat hi da ola ka jabieng bad da ka ba pyrshang ban pyniaid ia ka kam da ka jingnang bad jingtbit na lade khlem da shaniah ha kino kino ki lad ai jinghikai na ki kot. La pyntreikam ia kane ka NEP 2020 ha baroh khatar tylli ki raijbah jong ka jylla bad kumba sawp0hew ne sanphew na ka shispah jong ki CNRD blocks. Ki kher rangbah na ki tnat sorkar ne ki DSEO kin long ki nongialam ki ban pynbiang kam ha la ki raijbah bad ki khlieh jong ki skul kin khmih na ka bynta ban pyntreikam ha ki skul ba la jied bad ki nonghikai hba la ioh jinghikai kin long ki ba hikai kylla ia kiwei pat ki nonghikai bad ia ki khynnah bad samla pule hapoh ka por ba la mang.
Kane ka shlem ai jinghikai ka kynthup ruh ia ki jingpynshai da ki kam ba trei ha la ka sienshong da ki PARAKH State Resource Persons, ki ba iatai bad syllok na ka bynta ban pyntreikam ha ka por ba la mang, lyngba ka kamram ba la bynshet ha ki khlieh nonghikai ban khmih sani ia ka jingiaid ka kam bad da ka ba ia syllok barabor para nonghikai bad da ka ba ai jingmut markylliang na baroh ha shwa ban sam ia kata ka syrnot jingtbit katkum ka kyrdan ne kata ka Holistic Progress Card booklets.
Ka jingsdang ia ikane ka shlem ai jinghikai kan long ka bynta ka ba kongsan na ka bynta ka jylla Meghalaya na ka bynta ban kyntyiew ia ka pule dangle, ha kata ka rukom ba lah ban ia ryngkat bad ki jylla ki ba na dewbah India.