Ka jingïalehkai phubol jong ka kyrdan 3rd Division 2026 League Stage bala pynïaid daka East Jaiñtia Hills District Football Association (EJHDFA) kaba la long mynta ka sngi 31 tarik u Naitung, 2026 ha madan Artificial Ground Diengshynrum, Khliehriat.
Haba phai sha ka jingïakhun kaba nyngkong ka Nongthymme SC kala jop da 1-0 kol ïa ka Mynkre SC, ïa katei ka shikol na ka Nongthymme SC la thep da u Sounder Sympli lyngba ka Penalty ha ka minit ba 63.
Haka jingïakhun kaba ar ka Umrasiang United SC kala jop da 3-1 kol ïaka Pamra Paithlu SCSC ïa kitei ki kol na ka Umrasiang United SC la thep da u Ritbha Lamurong haka minit ba 16 & 52, u Lucky Star Muksor haka minit ba 78. Katba ïa ka shikol na ka Pamra Paithlu SCSC la thep da u Eiborlang Rymbai haka minit ba 19.
Ha ka jingïakhun kaba lai ka Marchaphrang YWSC Donaskur kala jop da 3-1 kol ïaka Moolang SC, ïa ki kol na ka Marchaphrang YWSC Donaskur la thep da u Pormi Papiah haka minit ba 38, u Damepaia Suting haka minit ba 65, u Marcel Suting haka minit ba 75, katba ïa ka shikol na ka Moolang SC la thep da u Ester Rymbai haka minit ba 54.
