Kum shi bynta jong ka jingrakhe iaka jingdap 125 snem ka Tympang Club, (Iawmusiang), haduh 35 tylli ki kynhun ia lehkai phutball kiba la wam ban ia shim bynta ha ka Tympang Club, Jowai-Sports & Youth Affairs Committee kala pynlong ia ka 7 Aside, Quasquicentennial Trophy Football Tournament 2026, ka bala sdang mynta ka 1 tarik u Nailur 2026, da ka jing iakhun hapdeng ka Tympang Club bad ka Chilok FC, ha kaba ka Tympang Club kala jop ia ka Chilok FC da ka tiebreaker.
Haba phai sha ka jingialehkai ka la long kaba itynnad bad kaba ia thaiñ bha wad lada ha pdeng ka jingpynthut ka mariang, ha ka kylla step ka Chilok FC kala ioh ban thep kol nyngkong katba ha ka kylla miet pat ka Tympang Club ka la ioh ban siew ia kane ka kol, da kane ka kol ka Tympang Club kala lah ban pyn iakhait bad la hap ban ia khun daka tiebreaker, ha kaba ha ka jingiashut Tiebreaker ka Tympang Club ka la pynliem ia ka Chilok FC.
Ha shwa ban sdang kane ka jing ialehkai la don ka jingialang plie ia kane ka Tournament, ha kaba u ma A Andrew Shullai MDC ka Jowai Central u la long u kongsan katba u ma Teiborlang Hingh u la long u symbud kongsan, katba ia ka jingialang pat la pyniaid da u ma Heisar Laloo Chairman Sport Committee ka Tympang Club.
U ma Andrew haba ai jingkren u dap da ka jingkmen haba u la ioh ban don bynta bad ka jinglehkmen jingdap 125 snem ka Tympang Club, ha kajuh ka por u la kyntu ia ki nongialehkai phutbol ha kane ka sngi ba kin long kiba trei shitom bad kiba minot haka jing kilan met khnang ba kin poi sha ka thong ka jingjop, u la ong ruh ba ka jingnang ka jingstatd ka jong phi la ha kano kano ka kam sport mynta ki sngi kam long shuh kaba lehnoh ei namar ki don shibun ki lad ki lynti ba phin nang kiew sha khmat bad ban ioh ki jingmyntoi ym kum ki por ba mynshwa.
