Ka lympung ïalehkai phutbol jong ka (L) Joybell Suiam Memorial Football League 2026 ha ka kyrdan 2nd Division bala pynïaid da ka Thadlaskeiñ Sport Association kaba la long mynta ka sngi 31 tarik u Nailar, 2026 ha madan Wahiajer Multi Sports Complex Stadium, kala poi sha ka jingjop jong ki ar tylli ki kynhun bad iakhaid kawei.
Haba phai sha ka jingïakhun kaba nyngkong hapdeng ka Mukhla Mission bad ka Lummuriap SC kila poi sha ka jingïakhaid da mar 2-2 kol, ïa ki kol na ka Mukhla Mission la thep da u Wompher Phawa ha ka minit ba 9 bad 34. Ïa ki kol na ka Lummuriap SC la thep da u Juniyo Siangshai ha ka minit ba 15 bad u Alanrody Nongrum ha ka minit ba 32.
Haka jingïakhun kaba ar ka Rising Sun Kdiap FC kala jop da 4-2 kol ïaka Maitchaphrang FC, ïa ki kol na ka Rising Sun Kdiap FC la thep da u Wanbha Sari haka minit ba 3 & 67 bad u Useful Sari haka minit ba 40 & 70. Ïa ki kol na ka Maitchaphrang FC la thep da u Same Pyngrope haka minit ba 1 bad u Nangroi Laloo haka minit ba 31.
Katba haka jingïakhun kaba lai ka Laru SC kala jop da 2-1 kol ïaka Mukhla Wahchnong SC ïa ki kol na ka Laru SC la thep da u Lam Rymbai haka minit ba 18 min bad u Armi Tamu haka mini ba 35. Ïa ka shikol na ka Mukhla Wahchnong SC la thep da u Rikam Sumer haka minit ba 26.
La pyntip baka jingïakhun na ka bynta lashai ka sngi 01/09/2026 haka por 10 baje mynstep ka Shiparalok FC Umladang pyrshah ïaka Nongthhmme SC Nongdhar, haka por 12 baje mynsngi ka Mukhla Nongrim pyrshah ïaka Shillong Police, Katba haka por 2 baje nohphai sngi ka Lumkhudung pyrshah ïaka Niriang SC.