Ka lympung ïalehkai phutbol jong ka (L) Joybell Suiam Memorial Football League 2026 haka kyrdan 2nd Division bala pynïaid da ka Thadlaskieñ Sport Association kaba la long mynta ka sngi saitjaiñ 29 tarik u Nailar, 2026 ha madan Wahiajer Multi Sports Complex Stadium.
Haba phai sha ka jingïakhun kaba nyngkong ka Lumkynsaw SC kala jop da 4-2 kol ïaka Mukhla Veterans, ïa ki kol na ka Lumkynsaw SC la thep da u Armanmiki Lamare haka minit ba 38, u Chanbor Pala haka minit ba 44 bad u Hame Suting haka minit ba 47 & 70. Ïa ki kol na ka Mukhla Veterans la thep da u Armystar Pale haka minit ba 13 & 51.
Katba haka jingïakhun kaba ar ka Namdong A Christian Club kala jop da shikol (1-0) ïaka Myntoilang FC Bamkamar, ïa katei ka shikol na ka Namdong A Christian Club la thep da u Wanpor Myria haka minit ba 5.
La pyntip ka jingïakhun haka sngi nyngkong 31/08/2026 haka por 10 baje mynstep ka Mukhla Mission pyrshah ïaka Lummuriap SC, ha ka por 12 baje mynsngi ka Maitchaphrang SC pyrshah ïaka Rising Sun Kdiap SC. Katba haka por 2 baje nohphai sngi ka Mukhla Wahchnong pyrshah ïaka Laru SC.