Ka jingïalehkai phutbol Round-16 jong ka kyrdan 3rd Division 2026 League Stage bala pynïaid daka East Jaiñtia Hills District Football Association (EJHDFA) kaba la long mynta ka sngi 29 tarik u Nailar, 2026 ha madan Artificial Ground Diengshynrum, Khliehriat.
Haba phai sha ka jingïakhun kaba nyngkong ka Moonongtdu SC kala jop da 3-0 kol ïaka Wahsarang SC, ïa kitei ki kol na ka Moonongtdu SC la thep da u Etilast Lyngdoh haka minit ba 19 bad u Poibiang Lamurong ar kol haka minit ba 28 bad 40+2.
Katba haka jingïakhun kaba ar hapdeng ka Umstain SSCC bad ka Tongseng Youth SYSC kila ïakhaid da mar shikol (1-1) tad haduh ba kut jong ka por ïakhun. Ïa ka kol naka Umstain SSCC la thep da u Eveningland Pohshna haka minit ba 1. Ïa ka kol naka liang ka Tongseng Youth SYSC la thep da u Fining Lyngdoh haka minit ba 61.
Hadien ka jingïakhaid na ka liang ki bor pynïaid kila pynïakhun noh da ka jingïashut Tie Breaker ha kaba ka kynhun ïalehkai jong ka Tongseng Youth SYSC kala jop da 5-4 kol.
Da ka jingjop kine ki ar kynhun mynta ka sngi kila ïoh ban rung sha ka Quarter Final jong kane ka lympung.