Ka lympung ïalehkai phutbol jong ka (L) Joybell Suiam Memorial Football League 2026 haka kyrdan 2nd Division bala pynïaid da ka Thadlaskieñ Sport Association ka la nangjam shakhmat haduh mynta ka sngi 28 tarik u Nailar, 2026 ha madan Wahiajer Multi Sports Complex Stadium.
Haba phai sha ka jingïakhun kaba nyngkong ka Mukhla Sohshrieh kala jop da 3-1 kol ïaka Mainroad Nartiang, ïa ki kol na ka Mukhla Sohshrieh la thep da u Anikis Sana haka minit ba 3 bad u Albious Sari haka minit ba 27 & 48. Ïa ka shikol na ka Mainroad Nartiang la thep da u May Nongtdeh haka minit ba 64.
Haka jingïakhun kaba ar hapdeng ka Good Will SC Mupliang kala jop da 2-1 kol ïaka Thadmynri SC, ïa kitei ki ar kol na ka Good will SC Mupliang la thep da u Molify Sna haka minit ba 12 bad u Kitbok Papiah haka minit ba 16. Ïa ka kol na ka Thadmynri SC la thep da u Holinzon Muruh haka minit ba 47.
Katba haka jingïakhun kaba lai ka Kremmyrsiang SC kala pynliem da shikol 1-0 ïa ka United SC, ïa katei ka kol na ka Kremmyrsiang SC la thep da u Jubab Myrboh haka minit ba 35.
La pyntip ba ka jingïakhun lashai ka sngi 29/08/2026 haka por 9:30 mynstep ka Mukhla Veterans pyrshah ïaka Lumkynsaw SC, katba haka por 11:30 mynstep ka Christian Club Namdong pyrshah ïaka Myntoilang FC Bamkamar.