Ka lympung ïalehkai phutbol jong ka (L) Joybell Suiam Memorial Football League 2026 haka kyrdan 2nd Division bala pynïaid da ka Thadlaskieñ Sport Association kaba la long mynta ka sngi 9 tarik u Nailur, 2026 ha madan Wahiajer Multi Sports Complex Stadium.
Haba phai sha ka jingïakhun kaba nyngkong ka Bamkamar Myntoilang FC kala jop da 3-2 kol ïaka Lumkynter FC, ïa ki kol naka Bamkamar Myntoilang FC la thep da u Isaiah Suting haka minit ba 29, u Batskhem Suting haka minit ba 51 bad u Armiki Suting haka minit ba 61. Ïa ki kol na ka Lumkynter FC la thep da u Plilad Dkhar haka minit ba 13 bad u Tesmi Lyngdoh haka minit ba 33.
Haka jingïakhun kaba ar hapdeng ka Mynkrem SC bad ka Lummuriap SC kila poi sha ka jingïakhaid da mar shikol (1-1), ïa ka kol naka Mynkrem SC la thep da u Rostar Khynriam haka minit ba 26, ïa ka kol na ka Lummuriap SC la thep da u Overcome Nongrum haka minit ba 47.
Katba ha ka jingïakhun kaba lai ruh hapdeng ka Moddymmai SC bad ka Madur SC kila ïakhaid da mar (2-2) kol, ïa ki kol na ka Moddymmai SC la thep da u Philamon Nongpluh haka minit ba 9 bad u Max Laloo haka minit ba 14. Ïa ki kol naka Madur SC la thep da u Tyllilang Phawa haka minit ba 21 & 34.
La pyntip ka jingïakhun haka sngi 10/09/2026 haka por 10 baje mynstep ka Mainroad SC Wahiajer pyrshah ïaka Maia Club SC Wahiajer, haka por 12 baje mynsngi ka Tympang SC pyrshah ïaka Mukhla Sohshrieh SC. Katba haka por 2 baje nohphai sngi ka Goodwill SC Mupliang pyrshah ïaka RC Dreaming Mupliang.