Ka lympung ïalehkai phutbol jong ka (L) Joybell Suiam Memorial Football League 2026 haka kyrdan 2nd Division bala pynïaid da ka Thadlaskieñ Sport Association kaba la long mynta ka sngi 8 tarik u Nailur, 2026 ha madan Wahiajer Multi Sports Complex Stadium.
Haba phai sha ka jingïakhun kaba nyngkong ka Mukhla Nongrim kala jop da 2-1 kol ïaka Thadmynri SC, ïa ki kol naka Mukhla Nongrim la thep da u Rangbah Suna haka minit ba 19 bad u Lebis Sumer haka minit ba 59. Ïa ka shikol na ka Thadmynri SC la thep da u Eras Sten haka minit ba 48.
Haka jingïakhun kaba ar ka Kremmyrsiang SC kala jop da shikol (1-0) ïaka Niriang SC, ïa katei ka kol na ka Kremmyrsiang SC la thep da u Sonlywel Lyngdoh haka minit ba 23.
Katba ha ka jingïakhun kaba lai ka Lumkynsaw SC kala jop da 3-1 kol ïaka Tympang Iongchiwiat, ïa ki kol na ka Lumkynsaw SC la thep da u Shanbor Pala haka minit ba 54, u Armanmiki Lamare haka minit ba 58 bad u Kyrshan Rymbai haka minit ba 65. Ïa ka shikol na ka Tympang Iongchiwiat la thep da u Daunibiang Lyngdoh haka minit ba 68.
La pyntip ba ka jingïakhun haka sngi 09/09/2026 haka por 10 baje mynstep ka Hunlang Lumkynter SC pyrshah ïaka Bamkamar Myntoilang FC, haka por 12 baje mynsngi ka Lummuriap SC pyrshah ïaka Myngkrem SC. Katba haka por 2 baje nohphai sngi ka Madur SC pyrshah ïaka Modymmai SC.