Ka lympung ïalehkai phutbol jong ka (L) Joybell Suiam Memorial Football League 2026 haka kyrdan 2nd Division bala pynïaid da ka Thadlaskieñ Sport Association kaba la long mynta ka sngi 5 tarik u Nailur, 2026 ha madan Wahiajer Multi Sports Complex Stadium.
Haba phai sha ka jingïakhun kaba nyngkong hapdeng ka Modop SC bad ka Bamkamar Myntoilang FC kila poi sha ka jingïakhaid da mar ar kol (2-2) tad haduh ba kut jong ka por ïakhun.
Katba haka jingïakhun kaba ar ka Thadmusem SC kala jop da 3-0 kol ïaka Lummuriap SC, ïa ki kol naka Thadmusem SC la thep da u Karmi Dkhar haka minit ba 17, u Samuel Shadap haka minit ba 69 bad u Johny Dkhar haka minit ba 71.
La pyntip ka jingïakhun haka sngi 07.09.2026 haka por 10 baje mynstep ka Lad Mukhla SC pyrshah ïaka Mait Chaphrang FC, haka por 12 baje mynsngi ka Tyllilang FC Moobakhon pyrshah ïaka Laru SC, Katba haka por 2 baje nohphai sngi ka Mainroad Nartiang pyrshah ïaka Shiparalok FC Umladang