Ka lympung ïalehkai phutbol kaba tip kum ka (L) Joybell Suiam Memorial Football League 2026, haka kyrdan 2nd Division kaba pynïaid da ka Thadlaskieñ Sport Association (TSA) kaba la long mynta ka sngi 4 tarik u Nailur, 2026 ha madan Wahiajer Multi Sports Complex Stadium.
Haba phai sha ka jingïakhun kaba nyngkong kaba long hapdeng ka Mupliang RC pyrshah ia ka Madansynrang SC ha kaba ka Mupliang RC ka la lah ban pynliem ia ka Madansynrang sc da 2-0 kol. Ia ki ar tylli ki kol jong ka Mupliang RC la ioh ban thep da u Mihsalan Dkhar ha ka minit kaba 44 bad u Dajiedkynsai Phawa ha ka minit kaba 63.
Ha ka jingialehkai kaba ar pat ka la long hapdeng ka Kremmyrsiang SC pyrshah ia ka Unity SC Phlongingkhaw, ha kaba ka Kremmyrsiang SC ka la jop ia ka Unity SC Phlongingkhaw da 2-0 kol, ha kaba ia kitei ki ar tylli ki kol jong ka Kremmyrsiang SC la ioh ban thep baroh ar tylli da u Jubab Myrboh ha ka minit kaba 18 bad 59 jong ka jingialehkai.
Katba ha ka jingialehkai kaba lai pat ka Momer FC ka la pynliem iaka Lumkynsaw SC da 1-0 kol, ia katei ka kol la ioh ban thep da u Chain Chyrmang ha ka minit kaba 65.
Ka jingialehkai ka ban long ha ka 05.09.2026, pat ka long ha ka por 9 shiteng mynstep ka Modop SC pyrshah ia ka Myntoilang FC Bamkamar, kaba ar ka ban long ha ka por 11 baje mynstep kan long hapdeng ka Lummuriap SC pyrshah ia ka Thadmusem SC.