Ka jingïalehkai Quarter Final jong ka kyrdan 3rd Division bad ka 2nd Division 2026 League Stage bala pynïaid daka East Jaiñtia Hills District Football Association (EJHDFA) kaba la long mynta ka sngi 2 tarik u Nailur, 2026 ha madan Artificial Ground Diengshynrum, Khliehriat.
Haba phai sha ka jingïakhun Quarter Final jong ka kyrdan 3rd Division hapdeng ka kynhun ïalehkai jong ka Cham Cham SCSC bad ka Youth SC Pyrtakuna kila poi sha ka jingïakhaid khlem don kiba ïoh ban thep kol (0-0) tad haduh ba kut jong ka por ïakhun. Na ka liang ki bor pynïaid kila hap ban pynïakhun da ka jingïashut Tie-Breaker ha kaba ka Cham Cham SCSC kala jop da 4-3 kol.
Katba haka jingïakhun Quarter Final jong ka kyrdan 2nd Division ka kynhun ïalehkai jong ka Moolamanoh SC kala jop da 2-0 kol ïaka Suchen Lumiarain SC, ïa ka kol naka Moolamanoh SC la thep da u Jespar Dkhar haka minit ba 15 bad u Ambition Dkhar haka minit ba 77.
Lyngba kane ka jingjop jong ki ki lah ïoh rung sha ka Semi Final jong ka lympung ïalehkai 3rd Division & 2nd Division, haka juh ka por kine ki ar kynhun kiba ïoh ban kiew kyrdan ka Cham Cham SCSC haka 2nd Division bad ka Moolamanoh SC sha ka 1st Division haka aiom ïalehkai ban wan (next season).