Ka lympung ïalehkai phutbol jong ka (L) Joybell Suiam Memorial Football League 2026 haka kyrdan 2nd Division bala pynïaid da ka Thadlaskeiñ Sport Association kaba la long mynta ka sngi 2 tarik u Nailur, 2026 ha madan Wahiajer Multi Sports Complex Stadium.
Haba phai sha ka jingïakhun kaba nyngkong hapdeng ka Iongshiwiat bad ka Ryntih Mynsngat, ka Iongshiwiat kala jop da 3-2 kol ïaka Ryntih Mynsngat, ïa ki kol na ka Iongshiwiat la thep da u Chanki Dkhar haka minit ba 41, u Chibor Phawa haka minit ba 43 bad u Daunibiang Lyngdoh haka minit ba 58. Ïa ki kol na ka Ryntih Mynsngat pat la thep da u Carlos Thubru haka minit ba 9 bad u Shaipyrkhat Siangshai haka minit ba 14.
Haka jingïakhun kaba ar ka Lumkynter SC kala jop da 1-0 kol ïa ka Hunlang FC Rakabah, ïa katei ka shikol na ka Lumkynter SC la thep da u Plielad Dkhar haka minit ba 46.
Katba haka jingïakhun kaba lai ka Myngkrem SC kala jop da 2-0 kol ïaka Iawpynsin SC Wahiajer, ïa ki ar kol na ka Myngkrem SC la thep da u Arisoki Khynriam haka minit 38 & 49.
La pyntip ba ka jingïakhun lashai ka sngi 03/09/2026 haka por 10 baje mynstep ka Modymmai SC pyrshah ïaka Maskut SC, haka por 12 baje mynsngi ka Maia Club Wahiajer pyrshah ïaka Niriang pdienlum, katba haka por 2 baje nohphai sngi ka Tympang SC Wahiajer pyrshah ïaka Iawthymblien SC.