Ka jingïalehkai Quarter Final jong ka kyrdan 3rd Division bad ka 2nd Division 2026 League Stage bala pynïaid daka East Jaiñtia Hills District Football Association (EJHDFA) kaba la long mynta ka sngi 3 tarik u Nailur, 2026 ha madan Artificial Ground Diengshynrum, Khliehriat.
Haba phai sha ka jingïakhun Quarter Final jong ka kyrdan 3rd Division hapdeng ka kynhun ïalehkai jong ka Borghat SCSC pyrshah ia kaTongseng Youth SYSC (FT), ha kaba ka Borghat SCSC ka la lah ban pynliem ia ka kaTongseng Youth SYSC (FT) da 1-0 kol, ia kane ka kol na ka bynta ka Borghat SCSC la thep da u Laxmon Kympad ha ka minit kaba 65 jong ka jingialehkai.
Katba haka jingïakhun Quarter Final jong ka kyrdan 2nd Division pat kaba la long hapdeng ka Dkhiah West SCSO pyrshah ia ka Lama Youth SC (FT) bad ha kane ka jingiakhun ym shym la don ba ioh ban thep goal haduh ba la kut ka por kaba la long 0-0 kol. Kumta ka jingialehkai ka la poi sha ka jingshut tie breaker, ha ka jingia shut tiebreaker ka kynhun jong ka Dkhiah West SCSO ka la jop da 7-6 goals pyrshah ia Lama Youth SC (FT).
Kumta da kane ka jingjop ka Borghat SCSC ka la ioh rung sha ka semi final ha ka lympung ialehkai 3rd Division, katba ka Dkhiah West SCSO ka la ioh ban rung sha ka semi final jong ka 2nd division. Ha ka juh ka por da kane ka jingjop ka Borghat SCSC kan kiew kyrdan sha ka 2nd Division, katba ka Dkhiah West SCSO kan kiew kyrdan sha ka 1st Division & 1st Division ha ka aiom ialehkai ban wan (next season).