Ka District Sports Office, East Jaintia Hills District, ha ka jingïatreilang bad ka Block Development Office, Wapung, ka la pynlong ïa ka 2nd Block-Level Chief Minister Youth Engagement Programme 2026, hapoh ka phangpdeng “Young Meghalaya, Shaping Tomorrow.”
Ïa kane ka prokram la pynlong ha Dkhiah West Community Hall, East Jaintia Hills District, bad la pynkut noh ïa kane ka prokram mynta ka sngi. Ki la don kumba 400 ngut ki nongïashim bynta.
Ki jingïalehkai bad jingïakob kiba la long mynta ka sngi ki kynthup ïa ka tug-of-war, ice-breaking session, talent show, jingïakob dro dur, quiz competition, jingïakob shad, rwai, science mela, bad kiwei pat ki jingïatreilang.
Ka Philia Paslein, ka Counsellor na ka ICTC, ka la kren halor ki jingma jong ka HIV. Ka la pynshai ïa ka jingdonkam ban tip ïa ki jingshisha shaphang ka HIV, ban weng ïa ki jingmut bakla bad ban tip ïa ka HIV status jong lade. Ka la kyntu ban pynduh ïa ka jingñiew beiñ ïa kiba don HIV. Ka la pynpaw ba ka jingdon ki briew kiba ioh ïa ka HIV ka long kaba heh ha East Jaintia Hills, bad ka la pynkut da ka khubor: “Be informed, be responsible, be protected.”
Hadien ka jingïakob, la pynlong ïa ka jingsam ïa ki khusnam na bynta ki nongjop. Ki nongjop ha ki group category bapher bapher ki la ïoh khusnam pisa kaba ₹5,000, ₹3,000 bad ₹2,000, katba ha ka solo category ki la ïoh ₹3,000, ₹2,000 bad ₹1,000. Ha baroh lang, 42 ngut ki nongïashim bynta ki la ïoh ïa ki khusnam mynta ka sngi.
