Ki paidbah ka Elaka Nongkhlieh ha ka 11 tarik Nailur 2026 ki la wan ban ai mynsiem ia ki nongialam ka Khasi Students Union (KSU) ha Shillong District Jail.
Ha kane ka sngi la iohi ia katto katne ngut ki paidbah ka Elaka Nongkhlieh kiba la wan ban ai mynsiem ia ki nongialam ka Khasi Students Union kiba lah shah set ha along District Jail.
Haba kren sha ki lad pathai khubor ka Kong Hanidabiang Sukhlain ka la pynpaw ia ka jingsngewkhia hadien ba ki nongialam ka Khasi Students Union ki la shah kem halor ka jingjia kaba la jia ha ka 19 tarik Nailar 2026.
Nalor kata ka la pynpaw bad ki paidbah ka Elaka Nongkhlieh ki wan ban ai mynsiem ia ki nongialam ka Khasi Students Union hynrei ki nongialam ka Khasi Students Union ki la ai mynsiem kylla ia ki paidbah nongshong shnong ka Elaka Nongkhlieh ban ieng na ka bynta ka hok.
Ka Kong Hanidabiang ka kyntu ia ka Sorkar ba ka dei ban shimkhia ia kane ka kam halor ka Shree Cement bad kumjuh ban shimkhia halor 5 tylli ki mat jingdawa jong ka Khasi Students Union bad khatduh haba iadei bad ka Fact Finding Committee ruh ka Sorkar ka dei ban pyniaid beit bad kam dei ban leh Shiliang bad ban leh da kaba hok.
