Ka lympung ïalehkai phutbol jong ka (L) Joybell Suiam Memorial Football League 2026 haka kyrdan 2nd Division bala pynïaid da ka Thadlaskeiñ Sport Association kaba la long mynta ka sngi 12 tarik u Nailur, 2026 ha madan Wahiajer Multi Sports Complex Stadium.
Haba phai sha ka jingïakhun kaba nyngkong hapdeng ka Iawpynsin Wahiajer bad ka Mukhla Mission kila poi sha ka jingïakhaid khlem don kiba ïoh ban thep kol (0-0) haduh ba kut jong ka por.
Haka jingïakhun kaba ar ruh hapdeng ka Kdiap Rising Sun bad ka Maskut SC kila poi sha ka jingïakhaid da mar shikol (1-1), ïa ka shikol Kdiap Rising Sun la thep da u Nangai Ryngkhlem haka minit ba 34, ïa ka kol na ka Maskut SC la thep da u Wadshwa Rynjah (own goal) haka minit ba 6.
La pyntip ka jingïakhun lashai ka sngi 14/09/2026 haka por 10 baje mynstep ka Mukhla Wahshnong pyrshah ïaka Niriang Pdienlum. Ha ka por 12 baje mynsngi ka Nongthymme Nongdhar pyrshah ïaka Iawthymblien. Katba ha ka por 2 baje nohphai sngi Shillong Police pyrshah ïaka Madan Synrang SC.