Ka lympung ïalehkai phutbol jong ka (L) Joybell Suiam Memorial Football League 2026 haka kyrdan 2nd Division bala pynïaid da ka Thadlaskeiñ Sport Association kaba la long mynta ka sngi 14 tarik u Nailur, 2026 ha madan Wahiajer Multi Sports Complex Stadium.
Haba phai sha ka jingïakhun kaba nyngkong hapdeng ka Mukhla Wahchnong bad ka Niriang Pdienlum kila poi sha ka jingïakhaid da mar shikol (1-1), ïa ka kol naka Mukhla Wahchnong la thep da u Player Suna haka minit ba 24, katba ïaka kol naka Niriang Pdienlum la thep da u Dame Suchiang haka minit ba 6.
Haka jingïakhun kaba ar ka Nongthymme Nongdhar kala jop da 3-1 kol ïaka Iawthymblien SC, ïa ki kol na ka Nongthymme Nongdhar la tep da u Daiohimi Lyngdoh haka minit ba 14, u K. Suna (own goal) haka minit ba 22 bad u Sowan Bareh haka minit ba 36. Ïa ka shikol na ka Iawthymblien la thep da u Prince Suna haka minit ba 6.
Katba ha ka jingïakhun kaba lai ka Shillong Police kala jop da 9-1 kol ïa ka Madan Synrang SC, ïa ki kol na ka Shillong Police la thep da u Iohbor Nonglyer haduh hynñiew kol marwei ha ka minit ba 3, 33, 35, 44, 56, 60 & 66, u Iohborlang Kshiar haka minit ba 52 bad u Rishanme Nongtdeh haka minit ba 29 (own Goal). Ïa ka shikol na ka Madan Synrang SC la thep da u Wan o Muktieh haka minit ba 9.
La pyntip ka jingïakhun lashai ka sngi 15/09/2026 haka por 10 baje mynstep ka United FC pyrshah ïaka Niriang SC, haka por 12 baje mynsngi ka Mukhla Veterans pyrshah ïaka Tympang SC Iongshiwiat. Katba haka por 2 baje nohphai sngi ka Namdong Christian Club pyrshah ïaka Hunlang Lumkynter FC.