Ka Meghalaya Society for Culture and Folklore (MeSCaF) kan sa pynlong ia ka prokram kaba tip kum ka ‘World Folklore Day Celebration 2026’ ha kane ka 22 tarik u Nailar 2026, ha District Library Auditorium, Jowai.
Ia kane ka prokram ka MeSCaF kan pynlong ha ryngkat ka jingiatreilang bad ka Kiang Nangbah Government College (KNGC). Kane ka prokram kan sdang naduh ka por 9:00 a.m. to 3:00 p.m. ha katei ka tarik ba la kdew haneng. Ka jingthmu haba pynlong ia kane ka prokram ka long ban pyni sha ka pyrthei ia ka jingriewspah jong ka Jylla Meghalaya ha ka jingiadei bad ki khana u mynbarim, ki riti dustur bad ki jingdon jingem kiba naduh mynbarim bajah.