Kawei na ka nongtrei jong ka Bharat Petroleum Mookhep Service Station, East Jaiñtia Hills District, ryngkat bad u Manager jong ka station, ki la kren sha ki lad pathai khubor halor ka jingduna umphniang kaba ktah ïa ka jylla Meghalaya.
Ka la ong ba ha kane ka station mynta dang don ka umphniang bad ym pat don kano kano ka jingduna. Ka umphniang kaba don mynta ka lah ban pynbiang haduh kumba saw haduh san sngi. Ki nongñiah kali kiba wan theh umphniang ha ka pump kim shym la pynpaw kano kano ka jingsheptieng, hynrei ki shu kylli la don ne em ka jingduna umphniang.
Ka la ïohsngew ba don kiwei pat ki service station kiba mad jingduna umphniang, hynrei kane ka station ka dang don ka umphniang. Ka la ong ruh ba kam lah ban tip lano un poi ka tanker kana wan ban kit umphniang na shabar.
Ha kane ka station dang don biang baroh ar jait, kata ka petrol bad diesel, bad ka stock ka dang biang.
Ki kali heh kiba pyndonkam da ka diesel ki dang wan theh umphniang ha kane ka station. Ka service station ka plie 24 kynta shi sngi.
Ka nongtrei kynthei ki trei naduh ka por 9 baje mynstep haduh 7 baje janmiet, bad hadien kata yn shimti da u nongtrei shynrang.
