Ka jingialehkai U-18 Boys Football Division jong ka 5th Meghalaya Games 2024 kaba dang iaid shait shait mynta ka sngi ha nongbah Tura bad ka jingiakhun mynta ka sngi ka long ar Match
Ka jingiakhun kaba nyngkong kata ha ka por 8:00 AM ka jingiakhun ka long hapdeng ka East Jaiñtia bad ka Ri Bhoi. Ha kane ka jingiakhun ka Ri Bhoi kala lah ban pynliem ia ka East Jaiñtia Hills da 3-0 kol. Ki nongthep kol jong ka Ri Bhoi ki long u Riskhem Syiem, u Jefree Kyrsian bad u Nganiaishahlut Syngkli.
Ha ka jingiakhun kaba ar kata ha ka por 10:00 AM hapdeng ka South Garo Hills bad ka West Garo Hills. Na ka liang jong ka West Garo Hills kala pynliem kput ia ka South Garo Hills haduh 7-1 kol. Ki nongthep kol jong ka West Garo ki long u Baltimas K Marak, Nangrim M Sangma, Rajib D Sangma, u Kimkim Ch Sangma kiba la ioh ban thep mar 2 kol bad u Dimsrang Ch Sangma. Katba u nongthep kol jong ka South Garo Hills pat u dei u Javirong R Marak uba la thep tang shikol.