Ka lympung ïalehkai phutbol Republic Day Cup, Under-13 Football Tournament 2024 bala pynïaid da ka West Jaiñtia District Sports Association, (WJDSA) Jowai kaba la long mynta ka sngi haka jingïakhun Quarter Final ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong ka kynhun ïalehkai jong ka Catholic Youth Mihmyntdu kala lah ban pynliem da 1-0 kol ïa ka Iawmulong Nartiang, ïa katei ka shikol na ka Catholic Youth Mihmyntdu la thep da u Wanbha Phawa haka minit ba 21.
Katba ha ka jingïakhun kaba ar ka kynhun ïalehkai jong ka Sabah Muswang kala pynliem da 6-5 kol ïa ka Loompyrdi Ïongpiah da ka jingïashut Tie Breaker. Haba phai hapoh ka por jingïakhun kila ïakhaid da mar 3-3 kol ïa ki kol na ka Sabah Muswang la thep da u Wohjrem Shylla haka minit ba 18, u Clifford Shadap haka minit ba 28 bad u Kyrchanlang Chyrmang haka minit ba 58. Ïa ki kol na ka Loompyrdi Ïongpiah la thep da u Freddy Tariang haka minit ba 7 & 13 bad u Dayoohi Laloo haka minit ba 51.
La pyntip ba ka jingïakhun ‘Quarter Final’ ha ka 16 tarik u Kyllalyngkot kan long hapdeng ka PSA pyrshah ïa ka Panaliar haka por 10 baje mynstep, katba ka Ksehsylle Ialong pyrshah ïa ka FAM haka por 11 shiteng mynstep.