Ka ophis jong ka District School Education Officer (SDSEO), West Jaintia Hills ka la pynlong ïa ka District Level Science Seminar, mynta ka sngi (27/08/2026) ha District Library Auditorium, Mynthong, Jowai.
Ka phang jong kane ka Seminar ka long “Indian Energy Basket 2047: Prospect & Challenges” bad ka jingthmu ka long ban pynrung ha ki samla pule ia ka mynsiem jong ka jingtipthuh halor ka saian.
Ha kane ka Seminar la wan ban iashim bynta da 10 tylli ki skul, kiba la wanrah bad pyni ia ki jingbatai katkum katei ka phang.
Na ka liang ka DSEO Dr. Wa-i-sa Sumer ha ba ai jingkren ka la pynpaw ia ka jingiaroh bad jingaimynsiem sha baroh ki samla pule kiba la iashim bynta ha kane ka Seminar bad ka la ai ruh ia ka jingbatai shaphang ka Viksit Bharat 2047.
Haba kut jong ka prokram la sam ia ki khusnam sha ki nongjop, ha kaba ka Ewanmisa Suting na ka skul HK Singh Memorial ka la long ka nongjop ia ka District Level Science Seminar da kaba ioh ia ka kyrdan kaba nyngkong, u Rehan Rymbai jong ka QC Springside Higher Secondary School ula wan ba-ar bad ka Iarika Gashnga na ka Jawaharlal Nehru Memorial Secondary School, Lamin kala wan ba-lai.
