Ka Special Intensive Revision (SIR)jong ka Electoral Roll ha Jylla Meghalaya ka la ioh sa kawei pat ka thong kaba khraw ha kaba 98.17% ki Enumeration Form (EF) la sam ha kylleng ka Jylla, kaba pyni ia ka jingbteng jong ka jingshim bynta jong ki nongjied elekshon bad ka jingshimkhia jong ki nongjied nongmihkhmat.
Haba kren sha ki lad pathai khubor na ka liang u Chief Electoral Officer u Dr HER Tiwary u la pyntip haduh ka 21 tarik Naitung 2026, na ki 23,49,645 ngut ki nongthepvote , la sam 23,06,585 tylli ki phorm (EF), kaba la pynurlong ia ka jingpynbiang baroh kaba 98.17%. Ha kajuh ka por, la pynkylla digital ia 14,07,446 tylli ki Form , kaba long 62.15% na baroh ki nongthep vote, kaba pyni ia ka jingkiew kaba khraw ha ka rukom pynkylla digital.
Nalor kata u la ong Ki District kiba treikam bha – haba iadei bad ka Ka jingsam ia ki Eunemeration phorm ki kynthup ïa ka West Jaintia Hills 100 Percent, South West Khasi Hills 100 Percent, South West Garo Hills 100 percent, East Garo Hills 99.93 Percent, Ri bhoi 99.80 percent.
Ki district kiba treikam bha ban pynlong digital ki kynthup ia ka West Khasi Hills 79.86 percent, SoutWest Khasi Hills 78.51 percent. , Jaintia 75.44 percent, West Garo Hills 74.03 percent, South West Garo Hills 74.03 percent.
Haduh ka 21 tarik u Naitung 2026, baroh ki don 53,908 ngut ki nongjied, kiba long 2.29% na baroh ki nongjied ha ka Jylla, kiba la ithuh hapoh ka kyrdan Absentee, Shifted, Death and Duplicate (ASDD). Na kitei ki nongthep vote, ki don 5,795 ngut kiba la ithuh ba kim don, 13,379 ngut ki dei kiba la shift, 32,382 ngut kiba iap, 2,029 ngut ki dei kiba duplicate, katba 323 ngut ki la kyntait ban pdiang ia ka Enumeration Form. Ia kine ki yn sa bishar katkum ki kyndon jong ka Registration of Electors Rules, 1960, hadien ba la bud ia ka rukom pynshisha ba la buh bad ailad ia ki nongjied kiba iadei kam hangno hangno ba donkam, shwa ban shim ia kano kano ka rai ha kaba iadei bad ka thup nongjied.
U CEO ka Jylla Meghalaya u la pynkynmaw biang ba ki nongthep vote ki bym pyndap thikna ïa ki Enumeration Form jong ki hapoh ka por ba la buh kin nym don kyrteng ha ka Draft Electoral Roll kaba la buh ban pynmih ha ka 5 tarik Naiwieng, 2026 bad yn pyni ha baroh ki Station. Kumta la kyntu ia baroh ki nongthep vote kiba dei hok ban pynthikna ba ki Enumeration Form jong ki kin phah Sha la ki Jong ki Booth Level Officers lane lyngba ka online ha ka app ECINET lane leit shwa ha ka Website https://voters.eci.gov.in khnang ban pynsuk ia ka jingpynrung ha ka Electoral Roll.
Ban pynthikna ia ka jingpyntreikam kaba paka bad ban pyndep ha ka por kaba biang ia ka Special Intensive Revision, u Chief Electoral Officer, Meghalaya, u la ju pynlong ia ki video conference man ka taiew bad ki ophisar jong ka elekshon District (DEOs), ki ophisar ba dei peit ia ka elekshon (ERO) bad ki nongiarap ophisar jong ka elekshon (AERO). Kine ki jingialang bishar bniah ki pynleit jingmut ha kaba buddien ia ka jingiaid shaphrang jong ka jingsam bad jinglum ia ki Enumeration Form sha ki iing sha ki iing, ka jingpynlong digital ia ki Enumeration Form bad kiwei kiwei ki kam kiba iadei bad ka SIR. La bthah ïa ki mashin elekshon district ba kin peitngor bha ïa ki kam jong ki Booth Level Officer (BLO), ban pynbeit kloi ïa ki jingeh kiba ïadei bad ka field-level bad ban pynthikna ba baroh ki kam kin pyndep beit hapoh ka por ba la buh da ka Election Commission of India.
Ha ka 21 tarik u Naitung 2026, u Ceo jong ka Jylla Meghalaya, u la pynlong ruh ïa ka jingïalang bad ki nongmihkhmat jong ki Seng Saiñpyrthei ba la ithuh ban bishar bniah ïa ka jingïaid lynti jong ka Special Intensive Revision (SIR), 2026. 892 tylli ki Booth Level Agent (BLA) ha kylleng ka Jylla. La khmih lynti ba ki BLA kin don ka bynta kaba kongsan ha kaba iarap ia ki nongjied, ban pynshisha ia ki jingtip ba bniah jong ka thup nongthep vote bad ban pynthikna ia kajingshai bad jinglong kaba thikna ha ka jingtreikam jong ka Special Intensive Revision.
U Chief Electoral Officer u la kyntu ia baroh ki seng sain pyrthei ba kin iai bteng ban pyniar ia ka jingiatreilang na ka bynta ban pyndep hok ia ka SIR ha ka por kaba biang bad kaba jop.
La kyrpad ïa ki nongthep vote ki bym pat ïoh lane pynpoi ïa ki Enumeration Form ba kin ai ka jingïatreilang bad ki Booth Level Officer ha ka por ba ki leit sha ki ïing sha ki ïing bad ban pyndep ïa ka kam khlem da pynslem. Ki nongjied ki lah ruh ban ïakynduh ïa ki Booth Level Officer jong ki na ka bynta kino kino ki jingïarap kiba ïadei bad ka Special Intensive Revision.
Ka Ophis jong u Heh Electoral Officer, Meghalaya, ka kyrpad biang ia baroh ki nongthep vote kiba dei hok ban iashim bynta shitrhem ha ka Special Intensive Revision, 2026 bad pynthikna ba uwei pa uwei u nongshong shnong uba dei hok un ioh rung ha ka Electoral Roll, da kaba pynkhlain ia ka jinglong laitluid, kaba hok, kaba kynthup lang bad kaba iashim bynta lang.