Ka khubor ba la iohlum la iathuh ba mynta ka sngi ha por 11:00 baje eiei, ka la don ka jingjia aksiden ha u surok bah ha jan jong ka Jowai Civil Hospital, Ialong, hapdeng kawei ka trok (Dumper) bad ka Scooty. Ha kane ka jingjia la wanrah ka jingkhlad noh hashen ki ar ngut ki samla kiba shong da katei ka Scooty ia kiba la tip kyrteng kum u Nehlangi Suchiang 20 snem ka rta bad u Eiseinlang Tang 25 snem rta kiba na na ka shnong Thadmuthlong B, West Jaintia Hills District.
Halor kane ka jingjia na ka liang ki Pulit ki dang pynlong ka jingtohkit bniah ban lap ia ka daw.
