Ka ophis jong ka District Sports (DSO), East Jaintia Hills District, ha ka jingïatreilang bad ka Block Development Office (BDO), Wapung, ki la pynlong ïa ka 2nd Block-Level Chief Minister Youth Engagement Programme 2026, halor ka phangpdeng “Young Meghalaya, Shaping Tomorrow.”
Ia ka prokram la long ha Dkhiah West Community Hall, East Jaintia Hills District, kaba la neh ar sngi lynter, kata ha ka 10 bad 11 tarik Nailur 2026, na bynta ka Wapung Block. Ha ka sngi kaba nyngkong, 250 ngut ki khynnah skul ki la wan iashim bynta kiba mihkhmat ïa 9 tylli ki skul bad 2 tylli na ki Societies.
Ki jingiakop bapher bapher kiba la pynlong ha kane ka programme, ki kynthup ïa ka solo guitar, solo flute, jingïathuh khana, jingthoh poetry, declamation, talent show, rwai tynrai, shad tynrai bad kiwei kiwei de.
Ki nongbishar ki la bishar ïa ki nongshim bynta bad ki la pyni ruh ïa ki bynta kiba ki nongshim bynta kiba donkam ban pynbha shuh shuh.
