Ka District Legal Services Authority, West Jaiñtia Hills District (under the Aegis of NALSA) ka la pynlong ia ka Campaign halor ka phang “Opening Doors for Education to Children/ Campaign for school Dropout” na ka NALSA (Child Friendly Legal Services to Children and their Protection) Scheme, 2015 bad halor ka hok ki khynnah na ka bynta ka Free and Compulsory Education, Act 2009, mynta ka sngi ka 12 tarik April 2024 ha Amlarem Junction, West Jaiñtia Hills District.
Ia kane ka program la pyniaid da i kong S.L. Phyllei, Chief Legal Aid Defense Counsel, West Jaiñtia Hills District ha kaba i la pynithuh ia ki nongiashim bynta bad plie phang shaphang kane ka Campaign, ba kane ka program la pynlong khnang ban pynsngewthuh ia ki nongshong shnong khamtam ia ki khynnah skul kiba la pep skul shiteng por bad ruh ban pynsngewthuh shaphang ki scheme ki jingiarap bapher bapher ba ki khynnah pule ki lah ban ioh.
U Waheh Shnong ka Amlarem, u la ai ia ka jingkren pdiang ia ki briew sorkar bad baroh kiba ia don lang, u la pynpaw ka jingsngewkmen ba ka sorkar ka la pynlong kum kane ka program ban pynshai shaphang ka hok ki khynnah ha ka jingnang jingstad bad kyrsiew khamtam ia kito ki bymtreh shuh ban leit skul.
La ioh ia ka jingkren na u ma L.S. Khonglah, Advocate halor ka phang ‘Rights of Children to Free and Compulsory Education Act, 2009’. Ha kaba u la pynshai ba kane ka Act 2009 ka batai shai ia ka jingdonkam jong ka free and compulsory education ka jingnang jingstad kaba long laitluid bad ka juh na ka bynta ki khynnah kiba don hapdeng ka rta kaba 6 snem haduh 14 snem. Ka jingthmu jong ka ne ka Act ka long ban pynioh ia ka jingnang jingstad kaba paka na ka bynta ki khynnah hapoh ka Ri India khlem da peit ia ka jingdon jingem, ka jingling shynrang ne khynthei, ka jait ne ka kynja, ka jingstad ka long ia baroh.
La ioh ruh ka jingkren halor ka phang “Poshan Scheme, SSA Scheme etc” na u Resource person ma H.C. Lamin, i/c SDSEO, Amlarem na ka Education Department, ha kaba u la batai shaphang ka Poshan scheme ba ka sorkar ka ai mynta ha baroh ki school sorkar ban pyntikna ba ki khynnah skul ki ioh ia ki jingbam (nutrients) kiba tei met.
La pynkut ia ka jingialang da ki kyntien ai khublei da i kong S.L.Phyllei.
